امثال مصريه قديمه بعد التعديل

[

]تعديل الامثلة القديمة

[size=25]1 - اللى بيته من إزاز ميغيرش هدومه فى الصالون .
2 - فاقد الشىء يدور عليه .
3 - اقلب القدره على فومها الفول يقع منها .
4 - تأتى الرياح محمله بالأتربة .
5 - ياخبرالنهارده بفلوس بكره ينزل عليه أوكازيون .
6 - اللى معاه قرش محيره يجيب حمام ويحمره .
7 - جت الحزينه تفرح شغلت شريط حكيم وقعدت ترقص ...
8 - قال يامحشحشين يكفيكوا شر الكمين .
9 - اللى ياكل لوحده يشبع .
10 - لاتبكى على اللبن فى البسكوت .
11 - اقطع عرق و حته بتلو .
12- اطبخى ياجاريه الأنبوبه فاضيه يا سيدى .
13- لو حبيبك عسل ما تحطلوش طحينة .
14 - اللى يتلسع من الشوربه يتصل بالمطافى .
15 - وبكره ترجع ريما من عند خلتها فى مارينا .
16 - ياداخل بين البصله وقشرتها حط قطرة علشان هادمع من ريحتها .
17 - اصوم اصوم وافطر على المدفع .
18 - القرش الأبيض بيعوم فى البحر الأحمر .
19 - ضربوا الأعور على عينه قالهم كسرتوا النضاره ,
20 - قالوا للحرامى أحلف قالهم وحياة قلبى وأفراحوا .
21- اللى ميشفش من الغربال يكشف نظر .
22- المال السايب يعلم الطلبه .
23 - نام وارتاح وكل عسل نحل التمساح .
24 - من خرج من داره مينساش يأخد المفتاح معاه .
25 - الباب اللى يجيجلك منه الريح شيله وركب قبنورى .
26 - المضطر يركب التاكسى .
27 - رب صدفة خير من ألف ليلة و ليلة .
28 - اللى يخاف من العفريت يعمل عبيط .
29 - المركب اللى فيها رايسين يلعبوا طاولة .
30 - اللى خدتوا القرعه تخدوا ام الخلول.

32 - أكل العيش يحب الطعميه .

33 - العين عليها lenses .

ثانيا

أمثــــــال عربيــــات النقــــل والميكروباصات :1- متبصليش بعين رضية دنا طلع عين أمى فى السعودية .

2- ربنا يحميكى من الميكانيكى .3-الحلوة أسمها تفاحة للسفر والسياحة .4- الحلوة من حلوان وصاحبها راجل غلبان .5- الحلوة من دمياط وعليها أقساط .

6- الحلوة لما تتدلع , تخلى الاسفلت يولع .7- متزمروش يابهايم دا السواق نايم .8- اجرى جري الوحوش اوتوبيس 710 ماتلحقوش .

9- بيحسدونى عليكى وأنت سر عذا بى .

10- المجروحين يمسكوا يمين.

11- السعادة فى الرضا.

12- من حق الكبير يتدلع.

13- صغير بس يحيّر.

14- يا بركة دعاكى يا أمى.

15- للكبار فقط.

16- مهما كان الأتوبيس مليان دايما ليك مكان.

17- تعمل حسابى اقدرك , تهزر معايا اعورك.
18- متقولش دى بكام , دى جاية بدهب المدام .

19-ماتبحلقش كدة يا لوح , دى جت بطلوع الروووح .

20-ماتبصش كدة يا عبيط , الحلوة دى بالتقسيط .

21- قصه كفاح مش جايه على المرتاح ...

22-سوقوا بالراحة يا بهايم , اصل سواق العربية نايم.

23- الحلوة خوخه , جت بعد دوخه .

24- تركب اسليك , تنزل اولع فيك .

25- دلعها فى الغيارات , وريحها على المطبات .

26- لما كنت عصفور كلونى , ولما بقيت اسد صاحبونى .

27- الرجولة مواقف والندالة دروس .

ثالثا

قدرة المثل المصرى على تجسيد المواقف السياسية

س1: بما تصف العلاقات المصرية الاسرائيلية؟

ج1: يا بخت من بات مظلوم و مبتش ظالم

س2: بما تفسر الموقف العربى أمام الأوضاع فى غزة؟

ج2: إذا كان الكلام من فضة فالسكوت من ذهب

س3: بما تصف العلاقات المصرية الأمريكية؟

ج3: اللى أكله ما هو من فأسه ... رأيه ما هو من رأسه

س4: بما تصف سياسة مصر الخارجية؟

ج4: دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نحاس

س5: ما هى سياسة مصر الداخليه؟

ج5: أضرب المربوط يخاف السايب

س6: ما هو نظام الحكم فى مصر؟

ج6: سمك لبن تمر هندى

س7: ما هو موقف الأخوان المسلمين من الحكم؟

ج7: عينى فيه و أقول أخيه

س8: بما تفسر الأداء الحكومى المصرى؟

ج8: إن كان هذا يكيدك أنا أزيدك

س9: بما تصف التصريحات الحكوميه؟

ج9: أسمع كلامك أصدقك أشوف أمورك أستعجب

س10: بما تصف زيادة معدل النمو فى مصر؟

ج10: إن كان الكذب حجة فالصدق أنجى

س11: بما تفسر التغيير الوزارى؟

ج11: ايه يعمل الترقيع فى الثوب البالى

س12: بما تصف الأخبار فى الصحافة الحكومية؟

ج12: قالوا الجمل طلع النخلة أدى الجمل و أدى النخله

س13: بما تفسر ميزانية برنامج البيت بيتك؟

ج13: اللى يعوزه البيت يحرم على الجامع

س14: بما تفسر تضخم ثروة ملك الحديد؟

ج14: سبحان العاطى الوهاب من بعد الشبشب و القبقاب

س15: ما هو الفرق بين حزب الوفد و حزب الجبهة الديمقراطية؟

ج15: لا تعايرنى ولا أعايرك دا الهم طايلنى و طايلك

و فى النهاية أعزائى بعد ما شفنا قدرة المثل الشعبى المصرى على تلخيص الكثير من القضايا أحب أنهى حديثى بمثل شعبى أيضا لكنه فى تقديرى كان سبب من أسباب تعاسة الشعب المصرى ألا و هو:

اللى تعرفه أحسن من اللى ماتعرفوش

و طبعا هذا المثل إجابه لسؤال معروف أتركه لذكاء حضراتكم اعمالا بالمثل الشعبى الذى يقول

من خاف سلم

</TD></TR>
<tr><td height=10></TD></TR></TABLE></TD>
<td vAlign=bottom align=right width=135></TD></TR></TABLE>

<table cellSpacing=0 cellPadding=0 align=right><tr><td></TD>
<td align=right width=501 height=160> منقول منقول
</TD></TR></TABLE>

من طرف ام مريم الأربعاء ديسمبر 23, 2009 3:12 pm

التغير
مطلوب
تنوع جميل

من طرف Abo mohamed الأربعاء ديسمبر 23, 2009 11:02 pm

سلمت يمينك اخي الكريم

عمراوى

امثال مصريه قديمه بعد التعديل

امثال مصريه قديمه بعد التعديل

رد: امثال مصريه قديمه بعد التعديل

رد: امثال مصريه قديمه بعد التعديل