احمد ومنى
"أحمد" بيحب "مني" وهي كمان بتحبه قوي.. بس الحوار ليه اللي بيحبوا بعض اليومين دول بقي مختلف قوي.. تعالوا نشوف المشاكل بتحصل إزاي وإيه اللي يخلي الدنيا تبوظ:
موسيقي تصويرية شعبان عبدالرحيم انا بكره إسرائيل وبحب عمرو موسي؟
مني وأحمد واقفين في عز الضهر علي الكوبري
مني: "برومانسية" شايف النجوم يا أحمد
أحمد: نجوم ايه بس في عز الضهر دا أنا الشمس حرقت افايا
مني: الله ياأحمد بص السحابة اللي هناك دي اللي عليها العصافير
أحمد: لا والله ياحبيبتي أنا مش شايفها بس شايف دخان عربيات خنقني
مني: يووووووووووووه يا أحمد خليك رومانسي شوية
أحمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت
مني: انت مش بتحبني والا ايه
أحمد: ياستي بحبك
مني: لأ انت كذاب انت مش بتحبني
أحمد: يعني أولع في نفسي بجاز عشان تصدقي اني بحبك
مني: "والدموع علي خدها" لا يا أحمد أنت تغيرت خالص
أحمد: ياحبيبتي والله بحبك
مني: لأ يا أحمد متصلحش اللي أنت عملته
أحمد: وهو أنا كنت عملت إيه بس
مني: "تعيط" اهئ اهئ اهئ
أحمد: بتعيطي ليه دلوقت
مني: أحمد طلقني يا أحمد
أحمد: هو احنا لسة اتجوزنا عشان اطلقك
مني: يعني كمان مش عايز تطلقني
أحمد يشد في شعره: يادي الليلة السودا أنا ايه اللي خرجني بس
مني: كمان خليتها ليلة سودا.. يعني أنا اللي خرجتك غصب عنك
أحمد: ياستي مش قصدي. بصي أنا مش هرد عليكي عشان مانتخانقش
مني: للدرجادي قرفان مني
أحمد: "وشه يحمر من الغيظ" يعني انتي عايزة تتخانقي وخلاص
مني: يعني أنا نكدية يا أحمد
أحمد: لأ...... أنا
مني: انت بتاخدني علي اد عقلي
أحمد: حقك عليا وادي رأسك ابوسها
مني: ياسلام كده بكل بساطة
فجأة يقف أحمد علي سور الكوبري ويرمي نفسه في الميه
مني: تفتكر يا أحمد اني كده هسامحك

هههههههه صعبة الحياة مع منى مش كدة
منتظر ردودكم ياحلوين

بس احمد طلع ولا لسه
احسن منى تذعل وبعدين زعلها وحش


الحق يا احمد منى جايه
اجرى ياحمد



بصراحه موضوع حلو
وبينك كده مش سايب منى فى حالها
الحق نفسك

شكرا على مروركم يا شباب وياريت منى تكون عجبتكم
بنت انما ايه ؟؟؟؟؟؟؟؟؟؟؟؟؟؟؟

ههههههههههه
جميل جدا بس تعرف هو فعلا احمد مش رومانسى هو لو كدا كان شاف النجوم فى عز الظهر
زى منى

جميل جدا بس تعرف هو فعلا احمد مش رومانسى هو لو كدا كان شاف النجوم فى عز الظهر
زى منى

رومانسى ايه هو منى دى نافع معاها حاجة

ولا هينفع
العالم دى مينفعش معاها غير السك ع الودان
فاهم قصدى

معاك يا كييييييييييييييييير
بس اكيد فيه منهم كويسبن غلابه مايستهلوش كدة
بس الاغلبيه عاوزين الى بتقول عليه خاصه الى زى منى

الظلم حرام

وهو فين الظلم شوفتى منى بتعمل ايه

بس انت متاكدا ان فى منى كتير مظلومه
صح
ولا ايه
؟؟؟؟؟؟؟؟

عاوزة الحقيقه لو منى دى ماتتعشرش
دى هاتخلى احمد الغلبان المسكين يتجنن

مش فهمه تقصد
ايه
وضحى
اكتر

على فكرة كلمه فى سرك فيه واحدة شبه منى دى انتى تعرفيها
انا بقى عاوزك تخمنيها

المشكله ان هو اسمه احمد وهى اسمها منى
ودول كتير اوى اليومين دول واتخنقو من كتر الرومانسيه
فلازم انهم يوصلو للدرجه اللى تشل دى من الرومانسيه
وبينى وبينك الرومانسيه شحه فى السوق اليومين دول
وربنا يستر

ههههههههههههههه
مليش
دعوا
انا معرفش حد كدا
انا فقدة الزاكره

فكرى وانتى هاتعرفيها
................... ايه يا ام مريم ركزى دقيقه وانتى هاتعرفى كلام فى سرك

اصلى ماينفعش اقول اسمها لاتجيب سيف وتدبحنى اصلى صغير وخايف على نفسى هههههههه