كان زمان

من طرف ام مريم الأربعاء يناير 27, 2010 11:08 pm

كان لما واحد يموت لازم تروح تعزى وتشرب القهوه وتقعد وتضيع وقتك دلوقتى ممكن تبعت اس ام اس وتقوله البقاء لله وماتضيعيش وقتك وتقعد تلعب بلاى ستيشن براحتك اوحتى لو رحت عادى ممكن تقوله مش بحب القهوه فى كوكتيل!!!!!
زمان كان لما واحد كفيف بيعدى الشارع كان ممكن تروح تاخد بايديه عشان تعديه وتسيب صحابك وصحابك يزعلو دلوقتى لما تلاقى واحد كفيف بيعدى الطريق وقالك خد بايدى يابنى قوله بكل صراحه مش هقدر اسيب صحابى!!!!!
زمان كان لما تلاقى واحده عجوزة بتعدى الطريق كنت تبطىء عريبيتك وتفضل مستنى مستنى مستنى واوقت بيجرى بيجرى بيجرى دلوقتى لما تلاقى ست عجوزة بتعدى الطريق وانت مستعجل زمرلها مسمعتش يبقى خلاص دوسها وادى الله وادى حكمته عشان متتاخرش ع الشغل!!!!
زمان كنت لما تعدى على الناس قاعدين تقولهم السلام عليكم يقولولك اتفضل دلوقتى ممكن تعدى عليهم وتقولهم جتكو داهيه مليتو البلد يردو يقولو اتفضل!!!!!!
زمان كنت لما تلاقى فقير ويقولك حسنه قليله تديله اللى فيه النصيب ممكن دلوقتى بكل بساطه يقوله حسنه قليله قوله هاندهلك البوليس يا متسول!!!!
زمان كان لما يجى رمضان كل العيال يلفو على البيوت ويلمو فلوس عشان يعلقوا زينه دلوقتى ممكن تلموا فلوس عشان تفرقعوا فى المدينه!!!!
زمان كنت لما تركب عربيه وتشغل اغانى معاك واحد يقلق مزاكك ويقولك الاغانى لو سمحت القران شغال طب ليه الرخامه دلوقتى ترد عليه تقوله انا مسيحى وتكمل الاغانى عادى عاتى !!!!!
زمان تركب الميكروباص تقول للسواق والله نسيت الفلوس يابنى يقولك ولا يهمك ياحج دلوقتى ليه تقلق مزاج السواق هيرد عليك ويقولك هات الساعه او الموبايل رهناو تنزل هنا لمؤاخذه او ممكن مايقولش لا مؤاخذه!!!!!!!!
زمان كنت تعمل سبوع تفرق على العماره كلها الحاجات بتاعت السبوع وتضيع فلوسك واكلك دلوقتى الجيران يسئلوك عن حاجه السبوع قولهم السبوع حرام والفشار والسودانى حرام او لو خبطو عليك قولهم الواد مات وبكده توفر فلوسك واكلك لعيالك!!!!!!!!!!!
زمان كنت لما واحد يسالك الساعه كام كنت لسه تشمر القميص وتبص ع الساعه بقى والجور قرف وحر دلوقتى يسالك قوله معييش ساعه يقولك اومال ايه دى قوله دى حظاظه!!!!!!!!!
زمان لما كنت تلاقى واحد بيكنس الشارع ترمى الكيس اللى معاك فى اى باسكت وتتعب نفسك بقى عقبال ماتلاقى باسكت طب وليه دلوقتى ارمى الكيس قدامه عاتى عاتى ويقولك يافندم حاسب قوله اومال انت هنا بتشتغل ليه!!!!!!!! زمان لما كنت تركب العربيه وتلاقى ست وقفه تقوم عشان تقعدها طب وانت دافع ليه فلوس دلوقتى ممكن تخليك قاعد ولو صحبك واقف مكن تقوم الست اللى جمبك وتقعده زمان لما تلاقى ولد بيشب على السور بتاع الكورنيش مثلا تخاف عليه لا يوقع ولا حاجه تقوله غلط كده يا حبيبى دلوقتى ممكن تديله شلوت وتوقعه ااهو يزيح من اللى علينا وبكده تكون قللت المصريين شويه عشان مستقبل افضل للاولدنا!!!!!!!!!!!!
زمان كان لما يبقى فى ميت مكنش حد يعمل فرح فى نفس اليوم طب ليه يعنى وانا مالى مايموت ولا يولع بجاز دلوقتى ممكن تعدو ع اهل الميت تقولولهم البقاء لله بس انت معزومين النهاردة ع فرح بنتى ولا ازعل لو مجيتوش ربنا يجعلها اخر ااحزان !!!!!!!!!!!!!!
زمان لما كنت تلاقى واحد بيعاكس واحده تقوله ايه يابنى عيب ماعندكش اخوات بنات دلوقتى هيرد عليك ويقولك ولا اخوات بلاستيك تقوم تنضم معاه واهو زياده الخير خيرين!!!!!!!!!!!!!
زمان كان قف للمعلم وفيه تبجيلا دلوقتى قف على المعلم وانزل فيه تقتيلا!!!!!!!!!
زمان كنا ف عيد الام نجيب لماما هديه دلوقتى نقولها ف عيدها ماهى دى شغلتك انك امنا ولا شكر ع واجب!!!!!!!!! زمان كانو الاولاد ياكلو بعد لما ابوهم ياكل كانوع من الاحترام دلوقتى طب احنا جعانين لو طالو ماياكلهوش اساسا مش هياكلو احنا اولى يابابا انت ياما كلت !!!!!!!!!!!!!!!!!
زمان لما كان فى ماتش اهلى وزمالك تلاقى الجمهور بيشجع طب ليه نبقى مؤدبين هو احنا ناقصين ايد ناقصين رجل دلوقتى تلاقيهم داخلين بالصواريخ والشماريخ والامواس واديله يابابا
هو فى كدا
فين ايام زمان
فينك يامصر
!!!!!

من طرف mohamed_deeb الخميس فبراير 18, 2010 2:56 pm

قول للزمان ارجع يا زمان
بس اكيد فيه ناس لسه بتعمل زى زمان
وربنا يقدم اللى فيه الخير
وزمان وانا صغير
كنت بحلم ابقى كبير..........................الخ

من طرف ام مريم الإثنين فبراير 22, 2010 12:08 am

زمان بقا
فين ايام زمان
اتمنا نرجع زى زمان

عمراوى

كان زمان

كان زمان

رد: كان زمان

رد: كان زمان