طريقة عمل بلح الشام

من طرف اميرة الحب السبت أكتوبر 30, 2010 11:00 pm

ازيكوا يا بنات ولو الشباب حابب يتعلم عادى برده كلها فايده

النهارده هانعمل بلح الشام

المقادير هى:

نص كوباية ميه
2 كوب دقيق سميد ناعم وممكن نستعمل الدقيق العادى
زبده
2 بيضه

[size=24]

وبعد المقادير يا شطار

يبتدى الشغل الحقيقى

الاول :

نجيب طاسه او حله صغيره ونحط فيها الميه على النار ونضيف عليهم الزبده ونقلب لحد ما الزبده تسيح فى الميه ولما تبتدى تغلى نضيف الدقيق ونقلب ونشلها من على النار ونقلب لحد ما تبقى العجينه كتله واحده وبعد كده نفرغها فى حله تانيه تكون بارده علشان لما نضيف البيض مش يستوى فى العجينه
وبعد كده نضيف البيض واحده واحده
نضيف اول بيضه ونقلب لحد البيضه ما تختلط بالعجينه وبعدين نضيف البيضه التانيه وهكذا نفس اللى عملناه مع البيضه الاولى

ركزوووووووووووووووووووووووووووووووووووووووووووووووووووا كويس
وبعد كده هاتلاقوا العجينه طريه ولينه مش متماسكه جامد
وبعدين
نجيب كيس حلوانى ونحط فيه العجينه
وبعد كده
مركزيييييييييييييييييييييييييييييييييييييين ولا لأ
تقطعوا بلح الشام فى الزيت
لو عايزين تسووا بلح الشام فى الزيت وهو سخن اوك مفيش مشكله ولو عايزين تحطوه فى الزيت وبعد كده تقيدوا النار عليه برده مفيش مشكله
ونكون طبعا مجهزين الشربات ونطلع بلح الشام ونحطه فى الشربات وممكن تفتحوه وتحشوه كريمه لبانى او كستر او حسب ما تحبوا

وبالهنا والشفا
ابقوا ادعولى بقا

من طرف نور الصباح الأربعاء نوفمبر 10, 2010 8:11 pm

فى طريقة تانية
كوب ماء
1/2 كوب زيت
1.5كوب دقيق ابيض
4أو 5 بيضات حسب ليونة العجينة
ملعقة ملح صغيرة ملعقتين بودر

طريقة العمل متشابهة
نضع الماء على النار والزيت فى اناء واحد على النار حتى بداية الغليان يعنى ما تغليش علشالن الماء لا يتبخر ونضع الملح فى الماء
ثم نضييف الدقيق والبودر مرة واحدة ونرفع بسرلاعة من على النار ونقلب
ونسيبها تبرد شوية ونضع البيض واحدة بعد الاخرى مع كيس فانيليا
ونكمل بقيت الطريقة السابقة